工廠區隱蔽Cafe

因為YouTube多人介紹我先認識呢間cafe。原來呢間cafe來頭不少，被Yelp選為 “No.1 in Canada’s Best Places to East 2023”。位置唔容易搵㗎，喺一間木材廠入面。揸車去嘅話要泊喺木材廠外面再行入去。 Cafe裡面嘅裝修好有懷舊feel，落單後冇幾耐老闆從廚房走出嚟同我哋講廣東話😆原來老闆一直都係經營餐廳，至於呢間cafe就係喺佢退休後先開始營運，除咗佢自己，仲有其他屋企人一齊打理㗎。 餐牌上以All Day Breakfast 選擇最多。漢堡包、三文治連中式雲吞都有得食😂 ▫️Corn Beef Hash (CAD16) ▫️Meat Lovers Omelet (CAD17) ▫️Ham Eggs Benny (CAD16) 佢哋整嘅Shredded Hash好食🤣yi薯仔絲煎成薄薄嘅薯餅，外層脆脆哋，撈埋大量茄汁一齊食，好快就食晒🤣🤣🤣 另加一件French Toast CAD5 Cafe會不定期關門放長假期，去之前上佢哋個IG或網頁check吓穩陣啲。 [Apr 2024🇨🇦 #Vancouver] 📍Northern Cafe and Grill 1640 East Kent Ave S, Vancouver, BC V5P 2S7 #西餐#AllDayBreakfast#Brunch#全日早餐#CAFE#UCreator#打卡美食#溫哥華#相機食先